ACB-in ni 100 inhlawhnaa ei rukna awm nia sawi chhui dawn

Ni 100 inhlawhna hnuaia eirukna awm nia an hriat chungchanga Lok Ayukta hnena complaint an theh luh chu Anti Corruption Bureau (ACB)-in a chhui chian turin hriattirna a tichhuak.

Vigilance Cell, BJP Mizoramin MGNREGA hnuaia material component kalpui danah kalphung dik lo a awm tia Lok Ayukta-a complaint an theh luhah, Rural development secretary insawifiahna chu thu tlingah ngaih a nih loh avangin ACB chhui turin June 29, 2022 khan hriattirna a tichhuak tih an sawi.


Thawhlehni khan BJP Vigilance Cell chuan ACB director chu a pisa-ah kawmin ni 100 inhlawhna a thil fel lo awm chu rang taka chhui tura ngenin, eirukna nasa leh langsar tak, tual chhung mipui rilru leh khawtlang inrelbawlna thlenga tichhetu a inhnamhnawihte chhui chhuak thuai turin an phut tih sawiin, report an ngaihchan reng tur an hrilh niin nimin khan thuchhuah an siam.


ACB pisaah hian Lalremsangi Fanai, BJP Vigilance Cell Vice Chairman; K Laldinthara, GS, Vigilance leh Johny Lalthanpuia, Vigilance Member, State Media incharge te an kal a ni.