Natna danglam tak vei, Kerala-a naute tana inenkawlna tur vehbur khawnsakah cheng nuai 1,800 lai a dawng.
Thla 18 mi naute hian spinal mascular atrophy a neih vangin a enkawlna atan sum tam tak a mamawh a. Ni sarih chhung vehbur khawnah cheng vaibelchhe 18 lai an hmu chhuak.
PK Rafeeq leh Mariyumma te fapa, Mohammed-a hian khawvela damdawi manto ber nia ngaih, Zolgensma chu a natna enlawkna atan hian a mamawh.
Vehbur khawntu committee-te chuan Thawhtanni khan an mamawh zat an hmuh tawh avangin bank kaltlanga vehbur an khawnah tanpuina dah tawh lo turin mipuite an hriattir.
Mattul panchayat (VC) President Farisha chuan, “Kan bank account tar lanah Rs. nuai 1,800 chuang a lut tawh a. Kan mipa naute enkawlna atan hian mi inphalten sum leh pai an thawhkhawm a ni,” tiin lawm takin thuthar lakhawmtute a hrilh.
MLA M Vijin kaihhruai vehbur khawntu committee hian kar hmasa khan hma anla tan a. Social media-ah darhzauin khawvel hmun hrang hrang atangin ni sarih chhungin tanpuina hi a rawn tlingkhawm ta a ni.
Mohammed-a u, kum 15 a upa Afra-i chu hetiang natna vang bawk hian tunah hian kal thei lovin wheelchair-ah a awm phah mek.