Sawihlawh tak Michael Jackson-a sak hla pathum nia sawi chu streaming service hrang hrang atanga paihchhuah a ni.
Heng hla ‘Keep Your Head Up’, ‘Monster’ leh ‘Breaking News’ te chu a thih nu tihchuah album hla lawrkhawm (2010) ah khan a awm a, hei taka hi fan pakhat chuan court-ah thlenin, Michael-a zai tak tak a ni lova, session singer ‘aw’ ve mai a ni, a ti.
Sony Music leh Jackson’s estate te chuan streaming sites atanga paihchhuah a nih chhanah hian a zai tak tak a nih leh nih loh lam nen inzawmna a nei lo, an ti ve thung.
Kum 2009 a OD vanga boral King of Pop hian hla tihchhuah loh leh buaipui loh thahnem tak a kalsan ni ngeia hriat a ni a, heng hla thenkhatte hi 2010 khan tihchhuah a ni.
Heng hla te hi lei thei tura Dawr-a chhawpchhuah a nih khan a chhungte ngei ngei pawhin ama sak ngei a ni chiah em, tihah rinhlelhna leh chian lohna eng emaw chen an nei hial nia sawi a ni bawk. Thuchiang an nei lo, tih a ni.