AZL: Indian Youth Congress Secretary Nur Sofique Wazid chuan Nilaini khan Mizoram tlawha lo zinin MPYCC President Dr Lalmalsawma Nghaka’n lo dawngsawngin, zan lamah MPCC President Lalsawta chu a chenna inah an kawm nghal.
Nimin khan MPYCC hotute hian Congress Bhavan-ah Wazid hi meeting neihpui lehin, he thutkhawmah hian IYC Secretary hian AICC leh IYC atangin Mizoramah mi tin huapzo Congress sorkar a din chhuah leh ngei theih nan theihtawp chhuah an tum tih a sawi.
Wazid hian India ramah BJP a sorkar chhungin thil man a sang chak hle a, BJP leh a sangnawi zawnpui mi hausate invur tawnna bak an ngaihtuah lo tih sawiin, “Mizoram ngeiah pawh MNF sorkar leiba a pung thur thur a, sorkar hnathawkten an hlawh a hun takah an la thei lo a. Dam lote damdawi in awmna bill pawh rei tak an batsak a. BJP sorkar ang bawkin MNF sorkar hnuaiah chuan mi tlemte hausak thur thurna a thleng mek a ni,” a ti.