Aizawl : Lawngtlai district thuneitu ten Pratham foundation nen ṭangdunin Lawngtlai district-a pawl 5 aṭanga pawl 12 inkar zirtirtute pual -capacity development training- Bungtlang ‘S’ leh Sangau RD block huamchhungah nimin atang khan an buatsaih tan.
Bungtlang 'S' leh Sangau RD block-a zirtirtu training-ah hian Lai autonomous district council-a Hindi education officer (M/S) Alex Lalzawmpuia chu nodal officer a ni a. A tha- whkhatna atan Bungtlang 'S' RD block-a sikul pahnih - Hermon Chawngte Middle School leh Bungtlang South Middle School leh Sangau RD block-a sikul pahnih - Govt Bualpui 'NG' Middle School leh Govt Siachangkawn Middle School te an thlang a. Sikul tinah master trainer pahnih zel kalin ni hnih chhung zirtirna an pe dawn a ni.
Zirtirtu training hi Lawngtlai district-a RD block pali-ah a thawhkhatna kalpui kim a ni ta a. June 16-20 khan Chawngte RD block ah leh June 23-27 khan Lawngtlai RD block-ah te an lo kalpui tawh a, phase dang pawh kalpui chhunzawm zel tura ruahman a ni.