Rin loh tak maia Glasgow khawpuia concert neih tum an thulh thut tak si ah chuan Guns N’ Roses zaipu Axl Rose hriselna chungchangah zawhna a tam. Mahse, chanchin lawmawm a awm e.
Social media lamah a dam tha vak tawh lo nia report a tam a, chu chuan band anga an kal zel dan turah pawh chian lohna leh zawhna a tam phah.
Heti anga zawhna tam tak lo chhuak tuk tuk karah Rose chua, “Min duhsakna zawng zang chungah ka lawm takzet. Glasgow-a inlan hun tur kan sawn hlat vang khan ngaihdam ka dil.
Tunah hian doctor te thurawn leh ngaihdan te zawmin ka chawl hahdam mek a, vocal coach-in min thutchilh reng bawk a, sound buaina awm thin pawh enfiah reng a ni. Ka ngaihtuahawm lo chuan ka hria. Min ngaihtauahnaah ka lawm,” a ti.
A sawizelnaa, “A tawpah chuan fan te tana kan theihtawp kan chhuah kha a lo tha in, a pawimawh ber zel a, hun tha tak siamsak che u hi kan duhthusam leh thlakhlelh em em chu a ni. Munich-ah inhmuh ang u aw…” tiin tawp a khar.
Guns N’ Roses hian ruahman lawk angin Munich khawpui an nuai dawn tih an sawi chiang a, Glasgow Green concert hun tur an tihfel thuai beisei a ni bawk.