Aizawl: ZPM Leader Lalduhoma chuan mipuiin kalphung thar sorkar an duh avangin sorkar thar din an duh tawh tih a sawi.
Inrinnia Aizawl South-I ZPM Block Political Training neihah Lalduhoma hian thu a sawi a. Tun hmain Mizoramah sorkar ding lai nin avang chauhin sorkar thar a piang thin tih sawiin, “Tunah erawh mipuiten sorkar tha zawk, mipui sorkar, kalphung thar sorkar an duh avang zawkin sorkar thar din an duh tawh a ni,” a ti.
Lalduhoma hian India leh Mizoram mipuite thinlungah hruaitu tha duhna a intuh nasat tawh thu a sawi a. MNF-ah hian MLA tha tak tak an awm laiin, an hruaitu berin a zir loh avangin hruaitu tha lo hnuaiah mi tha nihin awmzia an nei lo tih a sawi.
Aizawl South I bialtu MLA C Lalsawivunga pawhin thu sawiin, MLA a nih hma leh hnuah kut hnathawktute din chhuahna tur khawp budget-ah engmah dah a ni lo a, hetiang tireh tur hian Mizoramin chief minister thar a mamawh tawh tih a sawi bawk.
He hunah hian bialtu Councillor R Lalawmpuii leh Er Vanlalneiha, GS, te pawhin thu an sawi a ni.