Mizoram Olympic Association hruaitu thlan thar te chuan Inrinni khan Aijal Club-ah term thar atana Mizoram Olympic Association meeting hmasa ber an nei.
He meeting hi Mizoram Olympic Association president Robert Romawia Royte chuan a kaihruai a. Mizoram a infiamna hmasawnna tura pawimawh hrang hrangte an sawiho.
MOA hian kumin September leh October thla chhunga Gujarat a neih tur 36th National Games leh October leh November thla a Shillong a neih tur North East Olympic Games chungchangte uluk takin an sawiho a. Mizoram in result tha a neih theihna tura hmalak dan tur an rel.
MOA Executive body thar siam nghal bawkin Mizoram Olympic Association kalphung thar tur rel turin executive meeting an ko nghal dawn bawk.
Mizoram Olympic Association hnuaiah hian infiamna association hrang hrang inziak lut 17 an awm mek a. MOA president chuan hmalakna hmasa ber atan Infiammi hrang hrangte tan Olympic Association danglam siam tura hmalak a tum thu a sawi.