Aizawl : Health deptt-in National health mission employees union thil phut chungchangah an dinhmun zirchiangtu committee-in sorkara report an thehluh tawh chu ngaihtuah mek a nih thu an sawi.
Vawiin atanga tunkar Nilaini thlenga a huhova chawlh tum NHM a thawkte harsatna chu kum 2019 atang tawha Health deptt pawhin a hriatpui, sorkarah pawh a thlensak thin tawh a nih thu an sawi a. Sorkar pawhin ngaipawimawha hmalak mek a nih avangin chawlh la lo turin an ngen.
NHM thawk te dahngheh thuah mi 2000 chuang vawilehkhata dahngheh theih a nih loh thu leh an dinhmun zirchiana ngaihtuah mek a nih thu an sawi.
Hlawh thuah CSS atanga pek a nih thu leh IFMIS lamah mapping felhlel avangte Treasury office khawl chhia vangtea a khawmuan deuh hnuah tun thla ni 6 kha sorkar chawlh ni mahse, Treasury-a thawkte office kalin hlawh tur chu an tichhuak a, April leh May hlawh sem nghal vek a nih thu leh June thla hlawh pawh buaipui mek a nih thu an tarlang bawk.