Tottenham in an tlarhnungah duhthlan tur an neih belh a, Barcelona atangin loan in Clement Lenglet chu an lalut.
France international hian kum 2026 thleng Catalan club hnenah contract a nei chungin Xavi Hernandez hnuaiah thlan a hlawh lo sawt hle a. Hei vang hian chona dang hmachhawn a thlang.
Spurs boss Antonio Conte chuan Cristian Romero, Eric Dier leh Ben Davies te nena inel tur defender a neih belh.
Tottenham hian lei ngheh theihna an nei lova. Lenglet-a hlawh 80% an pe anga, a bak Barcelona in an tum ve thung ang.
Sum lama harsatna lian tak nei mek Barcelona hian player thar lalut turin player an neihsa an chhuahtir a ngai hnem a. Khelmual pawn lam atang sumdawnna lamah sum hlawm lian hmuh inbeiseina nei mahse player thar lalut tura sum siam an mamawh zat a la tam hle.