AIZAWL: AMC Ward III bialtu councillor C Lalchhandami’n “Khawvel hmasawnna atana thawktu pawimawh ber leh a kila lung tangkai ber chu Mistiri hna a ni” a ti.
Ramhlun Venglai Mistiri Association kum 10 tlin lawmna nimina Ramhlun Venglai YMA hall-a neih a hmanpuinaah he thu hi bialtu Councillor C Lalchhandami chuan a sawi a. Mistiri hna tello chuan tute mahin hmasawnna hna an thawk thei lo tih sawiin, "technical skill neih that ngai leh mi nazawng te thawh ve thiam loh pianpui engineer nih a ngai a, hna hautak thahrui ngai hna a nih avangin mahni inenkawl uluk leh ruihtheih thil lakah pawh fihlim ngai a ni" a ti.
C Lalchhandami chuan "Mistiri țha ni tur chuan mahni hna tihtakzeta ngaipawimawh mi leh rinawm nih a pawimawh ber" a ti a. Mistiri hna chu hna țha leh hlu, chhungkaw chawikanna atan pawha hna tha leh dinchhuah theihna khawp hna a nih thu a sawi.
AMC Ward III bialtu councillor chuan Mistiri pawl ten miharsa engngemawzat an lo tanpui thin tawh avanga lawmthu hrilhin, Mizoram sorkar kaltlanga ministry of labour& employment atanga hamthatna hrang hrang dawn theih leh hamthatna dang awm thei te a sawi bawk.