Mizoram a football tournament lian LBS Suzuki Inter Village Football Tournament quarter-final chu vawiin atangin khelh tan a ni dawn a. Team 204 atanga a thleng sang pariatten semi-final luh an inchuh dawn.
Round of 16 inkhel hnuhnung pahnih Thawhtanni khan Lammualah khelh a ni a. Inkhel hmuhnawm pahnih a awm.
Champion thei tura ngaih Armed Veng South in an squad chhah that an chhawr a. Beisei loh a result nei chho ngat ngat Bungkawn Local Council team chu 6-0 in an sawp.
Bungkawn hi chak zawk tura ngaih Armed Veng lo hneh tawhtu an ni a, nimahsela Armed Veng South lakah erawh an ding zo lo.
Armed Veng South tan tualchhung football a tawnhriat neithate an langsar a. Striker Lalnunsanga’n goal hnih a khung a, MPL striker hlun pawl Lalrammuanpuia’n khung bawkin ISL player pahnih Lalhmangaihsanga leh Laldinliana ten goal an khung ve bawk.
Inkhel hnuhnung zawkah Ramhlun North in 3-1 in fakawm taka khel Thenzawm West an hneh.
Thenzawl hian minute khatnaah goal an khung nghal a, nimahsela Ramhlun North tan K. Lalrosanga chuan goal hnih a khung a, PC Lalhruaisanga’n huntawp dawnah goal a khung leh bawk.
Quarter-final hi ni hnih chhung khelh tur a ni a, Lammualah vek inkhel hi nghah a ni tawh.July ni 11, Thawhtanni inkhel result:
Round of 16
AR Lammual
11:00AM Armed Veng South LC 6-0 Bungkawn LC
(Lalhmangaihsanga 11′, Lalrammuanpuia 14′, Lalnunsanga 20′, 65′, Laldinpuia Chawngthu 28′, R Laldinliana 79′)
01:00PM Ramhlun North LC 3-1 Thenzawl West VC
(K.Lalrosanga 56′, 81′, PC Lalhruaisanga 90+3′) (Lalhmingliana Kawlni 1′)
Quarter-final inkhel tur:
Thawhlehni, July 12, 2022
AR Lammual
12:30 PM Hnahthial Jt. VC vs Lengpui VC (C)
03:30 PM Republic Veng LC vs Champhai Kanan VC (D)
Nilaini, July 13, 2022
AR Lammual
12:30 PM Farkawn VC vs Sialhawk VC (A)
03:30 PM Armed Veng South LC vs Ramhlun North LC (B)