Digital crime a sâng chak hle a, tunhnai atang khan sum leh paia inbumna hlauhawm tak tak a tam chho viau mai. TV actress lar Aman Sandhu chu cyber crime tuar langsar tak a ni ta a, link rinhlelhawm tak a click palh vangin Rs Nuai 2.5 a hloh der mai.
WhatApp kaltlanga linke a hmuh a click zauh khan a khawvel a vaw chhe nghal hle a, Juhu hmuna Criticare website a tlawhnaah a nu tana orthopaedic-a en entir tura appointment siam a tum chu a whatsapp number kaltangin link pakhat a lo lut a, appoinentment ni ngeiah ngaiin, a click ta a ni.
A bank account leh WhatsApp payment a thlun zawm bawk si a, scam link hian a mimal thil leh banking details chu a ru fai ta mai a, Aman Sandhu-i mobile leh banking details chu misual hian an ruchhuak.
Sandhu mangangin cyber police station-ah a zualko nghal vat a, tunah hian Goregaon police station-ah thubuai ziahluh niin, an chhui nghal.