Meghalaya Chief Minister Conrad Sangma chuan nimin khan Union Agriculture Minister Narendra Singh Tomar hmuin an state-a lo neihna lam thila sorkar laipuiin thil a kalpuite tihchangtlun a nih theih dan turte a thlen.
Sangma hian Delhi tlawh mekin union minister eng emaw zat a hmuh zingah Tomar pawh hi a tel.
Meghalaya-ah hian Covid-19 hripui leng mek tuar na ber zingah lo neihna lam kaihhnawih hi a tel.
Chief minister chuan sorkar laipui hnenah hian lo neihna lam leh tual chhunga thil siam chhuah lam tihhmasawnna turin centre of excellence tam zawk din turin a thlen.
“Agriculture Minister Pu Tomar-a pawhin Meghalaya-a India sorkarin programme a neih hrang hrang kalpui dan chu a fak hle a. Centres of Excellence dinna tur kawng lo zawn zel pawh min tiam,” tiin Sangma hian an inkawmna chungchang chu Twitter-ah a tar lang.
Meghalaya sorkar hian lo neihna lam tihhmasawnna turin ‘Restart Meghalaya Mission’ a kalpui a. Hemi atana sum hmuhte chu inzawrhna hmun tihchangtlun nante hman a ni a, lo neituten loan an laka a pung pawh tihtlemsak an ni.