Aizawl: Saitual District Superintendent of Police J. Lalmuankima, MPS chuan nimin khan a pisaah Saitual town chhunga VC hrang hrangte leh Saitual district MJA member-te kawmin dan leh thupek kenkawh kawngah thawhhopuiah a sawm.
Saitual SP J Lalmuankima hian Saitual district ralmuanna atan theihtawp chhuah a tum thu te, “Dan lekkawhtu tur ni loin dan a lekkawh hi dan bawhchhiatna a nih avangin kan hmalakna turah pawh fimkhur taka chet lak a tul a ni,” tiin, police an indaih loh avangin awmze neia hma an lak zel theih nan khawtlang mipuite nena thawhho a tul dawn tih a sawi.
An inkawmnaah hian dan bawhchhiatna hrang hrang - financial, cyber, POSCO Act, MC Act leh thil pawimawh hrang hrang an sawi ho a ni.
J. Lalmuankima hi June 22, 2022 khan Saitual district SP hmasa ber, PC Lalduhthlanga hnen atangin charge a la a ni.