Union Home Minister Amit Shah chuan nimin khan Greater Coochbehar Peoples’ Association (GCPA) president Ananta Roy chu Assam-a Chirang district-a a chenna inah hmuin Koch-Rajbongshi hnamte chawisanna lam tur a sawipui.
Roy-a hi Bengal-a Coochbehar lal chhungkaw thlak niin a insawi a. Union home minister nen hian hun rei tak tihkhawtlai tawh, Assam chuan hnuai lam leh an thenawm state-a an hnampui chengte chawi kanna turte an sawi dun tih thuthar lakhawmtute hnenah a sawi.
“Kan thil phut, rei tak tihkhawtlai tawhte kan sawi dun a, tuna ka sawi theih chhun chu Koch-Rajbongshi hnam tana hun duhawm a chhuak tep tih hi a ni,” a ti.
Koch-Rajbongshi hnam hi Assam-a cheng zinga scheduled caste dinhmun neih duha bei mek hnam panga zinga pakhat an ni.
An thil phut chu a hlawhtling ngei dawn em tih an zawhna erawh Roy hian a sawi chiang duh lo.
Roy-a hian a kaihhruai hnama mi nuai 18.50 chu NDA thlawptu an ni sa tih a sawi a. BJP chuan Assam leh Bengal inthlan lo awm turah an mamawh ve tho niin a sawi.