England leh India in match thum khelh tur T20 series a inkhel hnuhnung berah England chuan hnehna an chang a. 2-1 in series-ah an tlawm.
Pathianni zana Trent Bridge a inkhelah India tan batsman rintlak Suryakumar Yadav chuan century siam turin ball 48 chauh a mamawh a, ball 55 atang run 117 siamin India beihletnaah hmahruaitu nimahsela a tawp an thleng zo lova. England run 17 in an chak.
Vuak thlang England tan Dawid Malan (77) leh Liam Livingstone (42*) ten run an siam hnem a, midang pali in run sawm aia tam an siam a, an strike rate a san that zel avangin over 20-ah run 215 an siam.
India tan palina a lut Yadav-a’n 4 runs vawi 14 leh 6 runs vawi 6 a vua a, nimahsela run 28 siam Shreyas Iyer chu amah thlawp thei ber a nih avangin over 20-ah run 198 bak an daih lo.
Ram pahnihte hian match thum khelh tur ODI series vawiin atangin an khel leh ang.