A puk bul, hmun thianghlim bul lawka ruah bawhawk surin chhiatna lian tak a thlen avanga chawlh lailawk, Amarnath Yatra chu Thawhtanni tuk atang khan chhunzawm leh a ni.
Biakzina kalte thawh tharte hian zingah Jammu-a Bhagwati Nagar base camp chhuahsanin Pahalgam-a Nunwan base camp an pan a. Tun dinhmunah chuan Yatri-te hi Pahalgam route chauh zawh phalsak an ni rih a, Baltal route zawhna erawh an la hawng lo.
Hetih lai hian Baltal leh Pahalgam route-ah hian helicopter erawh service-tir ve ve a ni thung.
Kar hmasaa chhiatna thlengah khan mi eng emaw zat thiin tam tak chin hriat lohvin an awm phah bawk.