English legend Wayne Rooney chuan Derby County manager nihna thla hmasa lama a chhuahsan hnuah a hna thar tur a chiang hnai a. A khelh tawhna Major League Soccer team DC United head coach thar a ni thuai dawn.
Kum 36 mi Rooney hian kum 2020 November atang khan Derby County-ah hian manager hna a thawk tan a. A hnuaiah hain club sum dinhmun chiang lo avangin club inrelbawlna a buai hle a. English Football League lamin club sum dinhmun chingfel turin pawn lam mi an ruat avangin squad pawh siksawi thei lo chungin Rooney hian hna a thawk a. Tlak hlauhawm taka an awm chungin League One a khel chhunzawm turin a himpui.
Derby County-ah hian cham chhunzawm tura ngaih a ni a, nimahsela club neitu thar ni tura ngaih Chris Kirchner-a’n club a lakchhawnna a tlawlh avangin a chhuah ta zui a ni.
DC United hian April thla atang khan manager an nei tawh lo.