Convening Committee for Unification (CCU) chuan hmun khata Hill Area Development (HAD) department leh Bodoland Territorial Region (BTR) pawh khawm tumna awm mek duh lohna lantir nan vawiin hian Karbi Anglong-ah darkar 10 awh bandh an huaihawt dawn.
CCU hruaitu - Saising Rongpi, Kharsing Teron leh Rabindra Rongpi ten District Press Club of Karbi Anglong (DPCK), Diphu-a thuthar lakhawmtute an kawmnaah bandh an huaihawt tur hi zing dar 5:00 atanga tlai dar 3:00 thleng tur a nih thu an sawi.
CCU hruaitu, Kharsing Teron chuan, “Awmhmun nghet nei lo tlang mi leh district mipuiteah hian politics-a inphiarna a awm a. Kando zel ang,” a ti.
“Danpuiah Assam-ah hian hnam chi hnih - hills tribe leh plains tribe an awm a. Nunphung, ei bar zawnna, tawng leh khawsak danah an inag lo em em a ni,” tiin mi inang lo tak suih zawm tumna chu an duh lo.
Autonomous State Demand Committee (ASDC) pawhin state sorkarina HAD leh BTR chhun fin a tumna chu duh lovin Danpuia 6th Schedule khalh a nih thu an sawi.