Aizawl : Sorkar laipuia ministry of textiles hnuaia development commissioner for handlooms, New Delhi leh Mizoram handloom and handicrafts development corporation limited (ZOHANDCO) tangkawpin National handloom development programme (NHDP) hnuaiaa State handloom expo an buatsaih chu nimin khan Khawzawl Vengthar YMA hall-ah Khawzawl Bawrhsap C. C. Lalchhuangkima’n a hawng.
Tunkar Zirtawpni thleng awh tur state handloom expo thupui 'My handloom My pride' tih niin, stall 30 siam a ni. Khawzawl Bawrhsap chuan kutthemthiamnain ram economy a chawikang thei tih sawiin, Mizo thuam leh thiamhnangdeh lam te chu khawvel mithmuhah pawh a zahpuiawmlo tih a sawi.
Handloom lama hlawhtling turin Khawzawlin theihna a nei tih sawiin, Bawrhsap chuan hemi kawnga hmalakpui turin ZOHANDCO chu a sawm a. Handloom expo kaltlanga thil zuartute chu an thil siam chhuahte a man phu tawk bakah mi ten rinrawla an hman tak tak theihna tura quality tha phochhuah tum turin a chah.