Nicki Minaj-i’n London khawpuia fan te nena inhmuhkhawmna programe kalpui tum chu a mak a mak tak punkhawmna vangin buaina thleng thei palah police te’n an cancel nghal.
Rapper lar tak hian Camden venga Cafe Koko-a a awm tur thu thawhtanni khan Instagram-ah a ziak a, chu chuan mipui tam tak kokhawmin tan hun sawi hma darkar tam tak atangin an inhawrkhawma.
Fan te hmaa a inlan veleh innek buaina chhuak zuiin, police lamin an hual vat nghal a, thil awmdan enin boruak duhawm lo thleng thei a ni tih hrechiangin police te hian hmun him lamah rang takin an kalpui.
Tunlai hian London pawhin khawlum vanglai a tawng mek a, pawn lam boruak hi 33C thleng a hawlh chhoh vangin khawlum hnuaia mipui tam tak zi nuai nuai chu a him lo hlea ngaih a ni.
Heti anga innek leh innawrbuaina karah Nicki chuan, “Awmze nei deuh hleka in intlar loh chuan ka chhuak thei dawn lo. Khawngaih takin kawngpuiah te khan tlan kual lo ila, line khatah intlar rawh u,” tiin chawpchilh takin online kaltlangin ngenna a siam hial.