Assam-a thingpui huana thawkte hlawh, minimum wage chu tihpun a ni dawn tih Finance Minister Himanta Biswa Sarma chuan a sawi.
Finance Minister Sarma chuan state sorkarin thingpui huana thawkte hlawh tihpunna tur ordinance hi February 20-ah puan a ni dawn tih sawiin hemi tur hian stakeholder-te nen pawh inrawn a nih tawh thu a sawi.
Sarma hian an state-a assembly inthlan an hmabak mek laiin hetiang thu hi a puang.
“Assam sorkar chu stakeholder-te nen thukhawmin ni khata thingpui huana hna thawkte hlawh hniam ber bithliah tihpunna tur ordinance hi February 20-ah puan a ni ang,” tiin Legislative Assembly-a budget a pharhnaa thu a sawinaah a sawi.
Finance minister-in hetiang thu a puang hi an hma lawka inthlan an hmachhawn turah vote zawnna atana ruahman a nih rin a ni.
Thingpui huana thawk pawlte chuan state sorkarah hian an ni khat hlawh chu Rs 351.33 thlenga tipung turin an lo ngen tawh thin.
Thawhlehni maiah pawh khan Assam Chah Mazdoor Sangha (ACMS) chuan hlawh tihpun an ngiatna chu sorkarah an thlen leh bawk.