Premier League club Chelsea chuan Napoli defender Kalidou Koulibaly leh Manchester City centre-back Nathan Ake te chu lalut turin inbiakna an neihpui a, club pahnihte nen inremna an nei thuai turah an inngai.
Thomas Tuchel-a pawlte hain Spain pantu Antonio Rudiger leh Andreas Christensen te free transfer a an chan avangin tlarhnung tihchak an mamawh hle a. Defender pahnihte hi a ruala lakluh an tum.
Hetihlai hian Manchester City atangin Raheem Sterling pawh tun kartawpah an player a nih hman an beisei.
Kum 27 mi Ake hian kum 2017 a Bournemouth a zawm hma in Chelsea ah hian kum nga hun a hmang tawh a. Kum 2020 khan Manchester City pan lehin Pep Guardiola hnuaiah vawi 40 a inkhel tawh.
Kum 31 mi Senegal captain Koulibaly hian kum 2014 khan Napoli zawmin an tan vawi 317 a khel tawh a. Hetih chhung hian Italy chauh ni lovin Europe a centre-back tha ber pawl a sawi zingah a tel ziah thin.