India cricket team in 2-1 a T20 series an lak hnuah One Day international series an khelh hmasak berah wicket 10 in England an sawp nghal.
The Oval a inkhelah India tan fast bowler Jasprit Bumrah a che tha hle a, wicket 6 la in run 19 chiah a pe a. Over 25.2 ah England hi out zovin run 110 chaih an siam.
India tan bowler Mohammed Shami chuan wicket thum a la ve bawk.
India in chak turin over18.4 chauh an mamawh a. Opener pahnih Rohit Sharma leh Shikhar Dhawan ten out lovin run 76 leh 31 an siam a. Harsatna nei lovin an chakpui.
Match thum khelh tur series-ah India in 1-0 in hma an hruai a. Match hnihna hi Emirates Old Trafford-ah vawiin tlaiah an khel leh ang.