Juventus manager Massimiliano Allegri chuan an centre-back Matthijs de Ligt chuan tun nipuiah club a chhuahsan a nih pawhin buai lova kal zel turin an inpeih tih a sawi.
Dutch defender hi Premier League club Chelsea leh German champion Bayern Munich ten an ngaihven a, German club hi Turin-ah indawr turin an awm tawh.
Allegri chuan a player chungchang zawhna chhangin, “Football-ah chuan engpawh a thleng thei a, a chhuak a nih chuan a hmunruak hnawh khat tur an awm mai ang. Tunah erawh Juventus player a la ni.” a ti.
Club CEO Maurizio Arrivabene chuan, “Tunlai khawvelah a inchelh luih theih loh a, sum a tam lo a nih pawhin chhuak duh chu chhuahtir mai an ngai ve thin. “ a ti thung.