Lemchan khawvela award hlut hlawh Emmy 2022 dawng thei turin ‘Squid Game’ dinhmun a tha. English tawng hmang lo series-in ‘Best Drama’ huanga nomination a hmuh hmasak ber a ni bawk.
74th Primetiime Emmy Awards dawng thei tur nomination chu phochhuah a ni ta a, nods 25 chhawp chhuah niin, South Korean survival drama ‘Squid Game’ hian kumin nomination-ah history ropui a siam.
Nikum khan Netflix-a tihchhuah ‘Squid Game’ hi khawvel mipui barakhaihin, mi tam takin an buaipui zui hle. Tun tum Emmy Awards-ah pawh hian nomination 14 ngawt hmuin, ‘Best Drama’ dawng thei turin a dinhmun a tha a, english tawng hmang lo series thlen san ber tum a ni.
He category-ah hian Better Call Saul, Euphoria, Stranger Things, Ozard, Severance, Succession leh Yellowjackes te nen an awmho a, intihsiakna boruak a sosang zui hle.
‘Squid Game’ ziaktu leh director ni bawk Hwang Dong-hyuk chuan Netflix nen inbiakna neih mek niin, Season 2 leh Season 3 chhawpchhuak thei tura inremna an siam fel thuai a beisei, a ti.