Champhai New Market (CHANEM) enkawl kawnga mawhphurtu CHANEM management authority chu nimin khan an Chairman District Bawrhsap James Lalrin- chhana hovin an thukhawm a. CHANEM complex chu hman khat daih polythene/ plastic (single use pla- stic) awmlohnaa puang tura hmalak an rel.
CHANEM management authority chuan CHANEM complex chu hman khat daih polythene/plastic (single use plastic) awmlohnaa puang turin tun thla chhung chu inzirtirna leh inpuahchahna atan hman ni se, an ti a. August ni 1, 2022 atangin a taka kalpuia endik thin ni se, an ti.
Rukruk leh dan lova thil tih ven nan CHANEM building-ah CCTV tha tawk tak hmun engemawzata dah an rawt a, a hmunhma leh tul angte zirchianga lo bawhzuitu tur sub-commit- te an din nghal. CHANEM complex-a lirthei dah thin khuahkhirh te an sawiho.
Indus tower limited-in CHANEM building chunga mobile network tihchakna tur high power small cell (HPSC) internet tower bun an dilna pawh CHANEM management authority chuan ngaihtuahin, hriatfiah tul awma an hriat avangin company hotute nen inbiakrawn hmasak leh ni se, an ti bawk.