Vawiin July 14 leh leh tukleh July 16 a neih tur ‘Chess Palette’ hi Zo Mushroom leh Fame Entertainment hmalakna in Aijal Club-ah Chef Joel Basumatari ho a neih a ni dawn.
Chef Joel hi Culinaryculture in Food Superstar India Top 30 Chef 2022 an thlan zingah telin, United Kingdom ah a thawk thin a. Slow Food Community Nagaland for Biodiversity & Heritage Preservation founder a ni a, NE Food Show Chess War 2019 ah winner a ni bawk. India ram hmun hrang hrangah Naga leh NE food a phochhuak thin a ni.
He event huaihawttu zinga mi Zo Mushroom Co-Founder Francis Sailo chuan, Mizote hi ei leh in sawngbawlna lamah kan la hniam hle a, hmalakna tur tam tak a awm a, he platform hmang hian India ram hmun hrang hrang ah Mizo ei leh in vawrh lar theih anih a beisei thu a sawi.
Mizo ei leh in sawngbawl kawngah zirchianna mumal a awm a pawimawh thu a sawi bawk.
July ni 14 2022 ah hian Naga thali hian ei tur chi hrang hrang sawm (10) a awm dawn a. Ei man hi pakhat tan cheng 1500 a ni ang.
July ni 16 2022 ah hian hmar chhak hmun hrang hrang a ei leh in te hmang in four course menu siam a ni ang a, ei man hi mi pakhat tan cheng 2000 a ni ang.
Tualto thlai leh bawlhlo awm remchang te heng ah hian hman an ni bawk ang.
Ei leh In tuihnai, hrisel leh thianghlim ngaina tan ngaihven ran chi a ni ngei ang.
Kum leh khuaa ei ngai bawk ei reng a, hmeh ngai bawk rin reng hi a ‘boring’ ve thei tlat.
Thil thar tem a, boruak thara chen a, tui taka inhnangfak hi taksa leh thlarauin a ngeih em a, i dampui ang a, i hlawkpui ang. Ni hnih chhung hian cheng 3500 velin i puar vah ang!