Aizawl : Academic session thar atanga e-Vidya Bharati (tele-education) leh e-Aarogya Bharati (tele-medicine) Network project (e-VBAB) tanna tur university leh college thlan chhuah zingah Mizoram University a tel a. He project hi sorkar laipuia ministry of external affairs hnuaia kalpui tur niin, a tum ber chu Africa rama zirlaite tan scholarship 15,000 pek a, undergraduate leh post graduate course hrang hrang hmanga zirna chhunzawm tir a ni a. MZU pawhin M.Com, B.Com, BBA leh MBA course te chu Africa rama zirlaite zir theih turin a chhawpchhuak dawn a ni.
MZU Vice Chancellor Prof. K.R.S. Sambasiva Rao chuan e-VBAB project hnuaia an tel ve thei chu lawmawm a tih thu a sawi a. MZU-in course a chhawpchhuah te chu zirlai ten an hman tangkai ngei a beisei thu a sawi bawk