Newcastle United chuan Real Sociedad atangin Sweden striker Alexander Isak, 22, chu club chanchin a player manto ber ni turin lakluh an tum a, inbiakna an nei mek. (Telegraph)
Chelsea in Paris St-Germain leh France centre-back Presnel Kimpembe, 26, chu lakluh tumin an ngaihven. (Telegraph)
Portugal forward Cristiano Ronaldo, 37, chu a mi leh sa ten Paris St-Germain hnenah an zawrh a, Manchester United chhuahsan a duh thu a sawi hnuah Argentina forward Lionel Messi, 35, nena khel dun turin rawtna an nei. (Le Parisien)
Mahse PSG hian Ronaldo lakluh hi an duh lova, player hlawha an sen tawh atangin a hlawh pek tur a tam dawn avangin an hnawl. (ESPN)
Manchester United in Ajax atanga Argentina defender Lisandro Martinez, 24, lakluh an tumna chu hun pawimawh lai tak an kai chho tawh a. Pound maktaduai 43 a insawnna tifel turin Nilaini khan an inbia. (Daily Express)
Newcastle United chuan Espanyol leh Spain striker Raul de Tomas, 27, chu an ngaihven zingah an telh thar. (Ekrem Konur)
England midfielder Declan Rice chuan West Ham nen hian season khat a cham hnua chhuahtir turin inbiakremna an nei. (Talksport)
Spain right-back Cesar Azpilicueta chuan Barcelona a insawn a duh a, mahse kum 32 mi hi Chelsea in an tlarhnung an thawm that fel hnuah chauh an chhuahtir tur thu an hriattir. (Daily Mail)
Paris Saint-Germain chuan French defender Jules Kounde inchuhna a tel an tum a, Sevilla defender hi Milan Skriniar an lak theih loh chuan lakluh an duh. (Sport)
Juventus chuan Villarreal defender Pau Torres chu Matthijs de Ligt a chhuah chuan a thlaktu atan an duh a, mahse Yellow Submarines in a manah Euro maktaduai 50 aia hniam an pawm dawn lo. (Calciomercato)