Police, Border Security Force (BSF) leh forest department mi tanghote chuan Ningani khan Tripura-ah ganja kung nuai khat chuang an tichhia.
Joint team-in ganja kungte hi hmun hrang hranga mi an tichhia.
“Kalamchoura police, 74 battalion BSF leh forest mite chuan a huhova beihpui thlakin Sepahijala district-a Sonamura sub-division huam chhungah, Kalamchoura-ah heng ganja kungte hi an tichhia,” tiin police officer-in a sawi.
“Ganja kung tihchhiat zawng zawng hi Rs nuai 50 man dawn lai man a ni,” tiin police officer hian a sawi bawk.
Kalamchoura police station-a officer-in-charge Bharat Debbarma chuan heng ganja-te hi hmun hrang hrang 12-a chin niin an tihchhiatsak vek tih a sawi a. A vaia an tihchhiah hi kung nuai khat chuang a tlin thu a sawi bawk.
Joint team hian beihpui an thlak tak tak hma hma hian an hmunhma hi an khar a, tumah luh chhuah theih lohva an danchah hnuah a hmun zawn hna hi an tan zui a. An hmuh chhuah hnuah an dap a, mihring man erawh an nei lo thung.
Tripura-a district pariat awm zingah Sepeahijala hi ganja chinna hmun tamna hmun a ni a, a tawlhruk pawh a hluar berna a ni bawk.