India ramah darkar 24 liam ta chhungin COVID-19 kai mi 20,000 chuang hmuh a ni leh ta a, ni 145 zet hetiang a kai loh hnuah a kai leh ta a, hri kai enkawl lai pawh mi 1,36,076 an ni leh ta tih union health ministry chuan a tar lang.
Darkar 24 liam ta chhung hian mi 20,139-in COVID-19 an kai tih hmuh chhuah a ni a, mi 4,36,89,989-in an kai tawh a. Mi 38-in thihpui lehin mi 5,25,557-in an thihpui tawh.
Hri kai hmuh tawh zawng zawng atanga chhutin enkawl lai chu 0.31% an ni mek a, 98.49% erawh enkawl dam an ni tawh thung.
Darkar 24 liam ta chhung hian enkawl dam aiin a kai hmuh an tam zawk avangin enkawl lai hi mi 3,619-in an pung leh hman.
Darkar 24 liam ta chhunga sample endik zinga 5.10% chuan hri an kai tih hmuh niin chawlhkar khat liam ta chhunga endik zinga 4.37% chuan an kai tih hmuh a ni bawk.
Hri kai zinga mi 4,30,28,356 chu enkawl dam leh tawh niin a kai zinga 1.20%-in an thihpui tawh bawk.
Ministry-in an tar lan dan chuan invenna pek beihpui thlak kal mek zelah vaccine dose vaibelchhe 199.27 chuang pek a ni tawh.