Aizawl : Lunglei road protection squad (team no.2)-in an leader C Lalduhzuali, hovin nimin khan Lunglei Venglai huam chhung an endik a. Kawngpui nekchep zawnga insakna bungrua leh bungraw dang dahte bakah lirthei chhe dah te chu hun bituk chhunga senghawi tura hriattirna an pe.
In sa lai mek, in sakna bungraw dah phalna sorkar atanga la lote chu UD&PA atanga phalna la turin an hriattir a. Kawngpui/ kawngsira motor chhe dah thin te chu hmundanga dahsawn tura hriattirin, chhun lamah motor park na nei si, kawngpui dung/sir a motor park thin te pawh an garage-ah an motor te park turin an hriattir.
Hmun chep laia motor park thin te pawh hmun remchang zawk dap turin an hrilh a. Footpath-a mipui kalna dala Autorickshow leh insakna bungraw dah thin te pawh dahna dang ngaihtuah turin an hrilh nghal bawk.