Chelsea chuan tun nipuiah an squad tihchakna tur player dap kual a hun an hman rei hnuah hlawhtlin lam an hnaih a. Napoli atangin Senegal defender Kalidou Koulibaly chu kum li contract an ziahpui dawn.
Kum 31 mi hian Nilaini khan medical nei turin London a pan tawh a, a insawnna hi an tih fel hnuah United States a pre-season tour nei mek Chelsea a zawm ve leh nghal ang.
Ani bakah Manchester City centre-back Nathan Ake chu Chelsea hian a vawi hnih nan an lalut thuai dawn bawk.
Defender pahnihte hi Real Madrid leh Barcelona pantu Antonio Rudiger leh Andreas Christensen te thlaktu atan Blues in an duh a. Koulibaly hian kum 2014 a Napoli a zawm hnuah an tan vawi 317 a inkhel tawh.