German playmaker Mesut Ozil chuan Fenerbahce in an hnena contract a neih an tihtawpsak hnuah Turkish club dang tho Istanbul Basaksehir chu a zawm.
Kum 33 mi hian Basaksehir hnenah hian kum khat contract a ziak a, kum khat dang ziah belh theihna a nei.
Ozil hian kum 2021 January thla khan Fenerbahce hi free transfer in a zawm a, an hnenah kum 2024 thleng daih contract a ziak.
Nimahsela naupanlai atanga a tan thin club tan hian March thla a squad atanga paih a nih hnuah a inkhel leh tawh lo.
Turkish club hian squad atanga paih a nih chhan hi an sawifiah lova. An tan season khat leh a chanve a inkhelh chhungin match 37 a khel hman a, goal 9 a khung.
Kumin June thla a an lakluh Portuguese coach Jorge Jesus chuan club a zawm tirh hian Ozil-a tan club-ah hun a tawp tawh tih a lo sawi tawh.
Nilaini khan Fenerbahce hian Ozil-a contract chu player nen inbiakna an neih hnuah an tihtawp thu an lo puang tawh a ni.