Assam Agriculture & Veterinary Minister Atul Bora chuan nimin khan tun laia an state-a vawk pul hri hlauhawm tak, African Swine Fever lenna khuate a tlawh a. A tlawh zingah hian Darrang district-a Akalibari khua pawh a tel.
Darrang-ah hian vawk pul hri leng avang hian mi tam tak an buai a, an vawk thi avangin sum an chân nasa em em a. An thil hlohte chu zangnadawmna pe turin sorkar pawh nasa taka kar a ni a. Minister-in a tlawh pawh hi an duhte thlenna remchangah an hmang a; mahse, engmah zangnadawmna pek tur lam thil a tiam thei lo.
Veterinary minister hian zangnadawmna pek an dil chu chief minister a sawipui tur thu chauhvin a chhang.
“Lo neitu, department leh a bialtu MLA-te nen kan sawiho va, ASF avang hian vawk 246 a thi tawh a ni,” tiin Minister Bora chuan a sawi.
Nikuma leng chu a reh tawha an ngaih laiin a leng thar leh tih a sawi.
“A vulhtute tawrhna hi chief minister sawipuiin puih dan tur pawh kan dap ang. Zangnadawmna hi vawk suatsakte hnenah chuan dan awm angin pek a ni ang,” tiin a sawi bawk.