Sushant Singh Rajput-a farnu chuan a vawikhatna nan TV interview hmachhawnin, a unaupa thihna chu inphiarrukna vang a ni, a ti.
Channel India News kaltlanga Pradeep Bhandari zawhna a chhannaah, a unaupa chu amaha intihlum a ni thei lova, a taksaah intihhlumna hnuhma hmuh theih tur pakhatmah a awm lo nia sawiin, inphiarrukna liau liau vanga thleng niin, a sawi.
Bollywood-a induhsakna uchuak awm thin te thlenga sawi kaiin, lamtang insiamna leh thleibik nasa tak awm thina hi mi thenkhat chuan an mahni hamthatnan an hmanga nasa hle, a ti.
“Dikna chiah ka duh. Ka unaupa thihna hi a thiamna leh theihna huphurhna vanga a laka phiarrukna nasa takin a thlen a ni. A thih hnu hian mi pangngai ve mai pawhin film industy kaldan (system) an duh loh nasatzia chiang takin a pholang,” tiin hnukulh teuh chungin a sawi.