Kum 2022 hman chho meka chawhma lam zawng khan film tlangzarh inchherhhuan a tam hle a, entute thinlung khawih tak tak awm karah box office-a dam khawchhuah tuma tal faih faih te pawh an awm.
IMDb chuan nimin khan kum kal meka film lar ber sawm (10) a phochhuak a; Kamal Hassan, ‘Vikram’ chu IMDb rating 8.8 hmu in a sang ber. Yash ‘KGF: Chapter 2’ leh ‘The Kashmir Files’ te’n dawtin 8.5 leh 8.3 an hmu ve bawk.
Film dang- Ram Charan leh Jr NTR kutchhuak, ‘RRR te bakah, Hridayam, A Thursday, Jhund, Runway 34, Samrat Prithviraj leh Alia Bhatt channa, ‘Gangubai Kathiawadi’ te an thleng sang hle a, top 10-ah an lang.
VIKRAM
IMDb 8.8
South Indian actor lar tak Kamal Haasan channa hi June 3 khan tlangzarh niin, rampumah tun thleng hian cheng vaibelchhe 300 chuang a lalut tawh.
KGF Chapter 2
IMDb 8.5
Pahnihna hauhtu film-ah hian Yash, Sanjay Dutt, Raveena Tandon leh Srinidhi Shetty te inlanin, April 14 khan tlangzarh a ni.
The Kashmir Files
IMDb 8.3
Kumina film sawi hlawh ber zingami Kashmir Files-ah hian veteran actor Anupam Kher leh Darshan Kumar te’n hma an hruai a. Thil ‘sensitive’ tak a nih vangin boruak rit tak a thlenna chen a awm.
RRR
IMDb 8.0
SS Rajamouli film la en lo an awm dawn em ni, an tih hial hi March thla khan tlangzarh niin, Ram Charan leh Jr NTR te an inlan a, box office-a record awmsa zawng zawng an thaichhe vek.
Hridayam
IMDb 8.1
Kumina film lar ber pangnga ah hian Pranav Mohanlal leh Kalyani Priyadarshan te chu hmahruaitu ah inlannin, cinema hall khat tlata kokhawmtute an ni.
A Thursday
IMDb 7.8
Yami Gautam ‘comback’ pui tak kan hmu thei a, Neha Dhupia-i’n a tawiawm tha bawk nen.. kumin kumtir khan OTT platform-ah rawn inlarin, a hit rem rem hle.
Jhund
IMDb 7.4
Sports film hmuhnawma takah hian Amitabh Bachchan a langsar viau mai a, NGO lar, ‘Slum Soccer’ dintu Vijay Barse chanchin tarlanna niin, film hmuhawm tak a ni.
Runway 34
IMDb 7.2
Bollywood star hraw tak tak- Amitabh Bachchan, Ajay Devgn leh Rakul Preet Singh te awmkhawmna hi en loh a thiang lo, an ti hial. Kum kal meka film lar ber zingah a lang.
Samrat Prithviraj
IMDb 7.2
Jun thla liam taa tlangzarhah hian Akshay Kumar kan hmu a, Miss World 2017 Manushi Chhillar-i’n Bollywood khawvel a dailuhna ni bawk hian entute a tilungawi hle.
Gangubai Kathiawadi
IMDb 7.0
Kumina Bollywood boruak rawn chawk tho thuttu a tih loh theih loh. Alia Bhatt channa hian lawm a hlawhin, critics leh audience te’n an fakrawn a ni ber.
Hetih lai hian, IMDb tehna atanga Indian web series lar ber sawm (10) chhawpchhuah nghal a ni bawk a. Campus Diaries (9), Rocket Boys (8.9) te an chetha lawr lak. The Great Indian Murder, Rocket Boys, Panchayat, Human, Ye Kaali Kaali Ankhein, Apharan, Escaype Live, Mai leh The Fame Game te an ni.
IMDb hian rank a siamnaah box office tehfungah a hmang lo tih hriat a tha a, India rama IMDb user te’n page an luhkhung tam dan atanga lakchhuah a ni.