Arunachal Pradesh-a Tirap district-a kangmei nasa tak chhuakah mi pakhat a kang hlum.
Khogla khuaa kangmei hi Zirtawpni zing dar 1:00 vela chhuak tan niin chenna in pahnih a kang fai vek a ni.
Thi hi putar, Khanyai Gangsa-a a ni tih hriat a ni tawh.
Gangsa-a hi in kang pakhat zawkah hian amahin a riak tih hriat a ni a. Ani bak hi chu mi dang thi leh hliam an awm lo va; mahse, in pahniha bungrua erawh engmah chuh hman a ni lo thung.
Kangmei hi khaw mite tlan khawmin khawvar rual velin an thelh mit thei hlau va, a bul hnaiah in dang a awm loh avangin pawi lian zawk a thleng lo.
A kan chhan hi hriat mai theih a la ni lo va, electric curren kal sual atang a nih rin a ni a, finfiahna erawh a awm lo.