Kan harsatna tawhah sorkar a chet a ngai
Kuhva tawlh vangin buaina a thleng leh thin a, Mizoram khawchhak leh khawthlang lamah harsatna kan tawh dan erawh a inang lo hle. Hmun thenkhatah chuan buaina nasa zawkin an lo buai pawh a ni thei a, thenkhatah erawh chuan an buaina hi a pawn lang deuh em aw, a tih theih thung.
Hetiang hi kan buaina a la ni chho zel dawn niin a lang a, hun a kal zel ang a, sorkar lam atanga tihtak zeta hmalakna a awm lo a nih chuan kan duh lo zawk thil hi a la thleng lovang tih a sawi theih loh. Sorkar lam lah hian kan rorelna sang ber Assembly House-ah Mit an siai thu an sawi duh lek chauh a, a hnu zel an dawn lo ni berin a lang.
Khawthlang lam hi chuan dan lova sumdawnna an duh loh karah, an duh ber erawh an tharchhuah hralhna kawnga harsatna an tawh loh a ni a, an harsatna chinfelsak turin chief minister level thlenga thenawm state Assam CM biak an duh thu an sawi. Sorkar hian ngawih bosan mai lo se a tha hle.
ZPM lam pawhin an harsatna hi a hmuna kalchilhin, an sorkar hunah sutkiansak ngei an duh thu an sawi a, pawl dang dang pawhin an thlawpzia an sawi chamchi bawk. Sorkar pawh hian ngaihpawimawhah neiin, he a mi leh sate harsatna hi an duh anga a rang lama chinfelsak ni thei se a va duhawm em.