India ramah darkar 24 liam ta chhungin coronavirus kai mi 20,038 hmuh chhuah leh hman niin mi 4,37,10,027-in an kai ta.
Union health ministry-in a chhinchhiah dan chuan hri kai enkawl lai mek mi 1,39,073 an awm mek tih a tar lang.
Darkar 24 liam ta chhung hian mi 47-in hri leng hi thihpui leh hmanin mi 5,25,604-in an thihpui tawh.
Hri kai hmuh chhuah tawh zawng zawng atanga chhutin a kai enkawl lai hi 0.32% an ni mek a, 98.48% chu enkawl dam an ni tawh.
Darkar 24 chhungin a kai enkawl dam aiin a kai hmuh thar an tam zawk avangin enkawl lai hi mi 2,997-in an pung leh hman a ni.
Darkar 24 liam ta chhunga sample endik zinga 4.44% chuan an kai tih hmuh chhuah niin chawlhkar khat liam ta chhunga endik zinga 4.30%-in an kai bawk.
Hri kai hmuh tawh zinga mi 4,30,45,350 chu enkawl dam leh tawh niin thihpui 1.20% an awm tawh thung.
Ministry-in a chhinchhiah dan chuan invenna pek beihpui thlak kal mek zelah vaccine dose vaibelchhe 199.47 pek a ni tawh.
Darkar 24 liam ta chhunga mi 47 thi zinga 20 chu Kerala-a mite an ni a, West Bengal-ah panga, Maharashtra-ah pali, Punjab-ah pathum, Assam, Bihar, Haryana leh Uttarakhand-ah pahnih theuh leh Delhi, Goa, Gujarat, Himachal Pradesh, Karnataka, Nagaland leh Sikkim-ah pakhat theuh an ni.