AIZAWL: June thla liamta chhung khan Civil Hospital, Lunglei-ah naupiang 63 an awm a, heng zinga mi 28 te chu mipa niin, hmeichhia 35 an ni. Hemi hun chhung vek hian Civil Hospital, Lunglei-ah mitthi 21 an awm bawk.
Kumin June thla chhunga Civil Hospital, Lungleia OPD & casualty damlo en zat 8421 niin, hemi hun chhung vek hian he damdawi in-ah hian damlo 499 admit an ni a. Zaipui (major operation) 127 awmin, zai tenau (minor operation) 328 an awm.
Civil Hospital, Lunglei-ah June, 2022 chhung khan Laboratory lama enfiah 12935 an awm a. X-ray hmanga enfiah 392; Ultrasound hmanga enfiah 152; Endoscopy hmanga enfiah 52; CT Scan-a enfiah 138 leh ECG hmanga enfiah 203 an ni. Dialysis hmanga enkawl 126 awmin, Chemotherapy hmanga enkawl 35 an awm bawk.
June thla liamta chhung vek khan Civil Hospital, Lunglei-in a tula a hman tura a thlawna thisen pek unit 344 a ni a. Damlo tana thisen an hmanral zat unit 335 a ni thung.