Sorkar laipuia Ministry of Education hnuaia India rama zirna sang dinhmun endiktu, National Institutional Ranking Framework (NIRF)-in ranking an tihchhuah thar berah Pachhunga University College, Mizoram chu 45-na a ni a, University zingah MZU chu 78-na a ni bawk.
NIRF-in India rama zirna in sangte dinhmun an zirchianna thar ber (NIRF ranking 2022) chu vawiin khan New Delhi-ah Union Education Minister Dharmendra Pradhan-a’n a tlangzarh a. College huangah PUC chu 45-na niin, top 100 zingah India Hmarchhak atanga lang awmchhun a ni.
NIRF ranking-ah hian tehfung hrang hrang – zirlai dinhmun zirchianna, University exam result dinhmun, research an beih nasat dan, research paper an tihchhuah dan, mithiam ten zirna in an hmuh dan, zirtirtu leh zirlai ratio, zirtirtu zinga doctorate nei an tam dan leh tehfung dang engemawzat hman a ni bawk.