Mizoram Super League-ah lal ngai an lal a, Zarkawt BCA in a zawna vawi li an champion na turin Inrinni zan MSL7 final ah Khatla TBL an hneh.
R. Dengthuama Indoor Stadiium-ah Zarkawt BCA hian nidang zawng aia thawhhona tha lantirin hnehna an sual chhuak a. 81-73 a chak in 2-1 in Finals series an la.
Game 1-ah Khatla TBL in vung taka hma hruaiin hnehna an chang a, champion lai an mualpho.
Game 2-ah erawh Finals series hautakna a lang a, a chetthat zawn fo theih loh. Zarkawt BCA in hnehna an chang let.
Game 3 chu rin ang ngeiin team pahnih inthlauhna a tam ngai lova, point an in score chhawk reng a, tumah fal zawka hma hruai an awm lo. Nimahsela a hun takah Zarkawt BCA lamin ‘clutch points’ an nei thei zawka, a sang zawk hret hret thin a, a tawpah Khatla TBL tan thawh a har tawh.
Zarkawt BCA tan Zonunsanga chuan point 22 a score a, Lalrina Renthlei chuan point 19 leh assist vawi 4 a nei. Joseph Allen leh Matthew Remtluanga Sailo ten point 14 ve ve bawkin Joseph-a’n rebound 20 a la a. Anni pahnih hian court chhungah an lenna an hmang tangkai a, an defense khelh fak loh theih a ni lo.
Khatla TBL tan Levi Bradley Jr. chuan point 21 leh assist vawi 5 a nei a, Vanlalthazuala’n point 15 score in K. Lalthianghluma, Vanlalrinchhana leh Lalliansanga ten point 11 theuh an score.
Zarkawt BCA hi vawi li an champion na chiah a ni a, final a an hneh Khatla TBL nen chiah MSL trophy an la chawi nawn thei.
MSL8-ah team tih pun a ni dawn tawh a. Tun season a parukna Chawnpui BC chu Division 1-ah an tla thla a. D-I atangin hatla South Barons leh LB Associates Bungkawn te MSL-ah an kaisang ve thung.
Team 8 khel tur zinga hmun khat la awm hi district lam tan dah a ni a, thla tawpah inelna buatsaih a ni ang.Lawmman semte:
Most Valuable Player – Joseph Allen, Zarkawt BCA
Defensive Player of the League – Michael Liansanga, Khatla TBL
Rookie of the League – Lalrozama, Mission Veng Hotshots
Fair Play – Chanmari Vikings