Barcelona chuan Bayern Munich atangin Poland striker Robert Lewandow-ski lalut turin a thuphungin inremna an neih thu an puang.
Kum 33 mi hian Bayern Munich-ah hain kum khat contract a la nei a. Thla hmasa khan German champion te hi club chhuahsan a duh thu a hriattir tawh.
Tun season liamta khan Lewandowski hian inelna hrang hrangah match 46 khelin goal 50 a khung a, Bayern hi a zawna vawi 10-nan Bundesliga title a lakpui.
Barcelona in Poland striker an lakluhna tur hi medical a paltlang bakah contract a ziahfel hnuah a chian chauh tur thu an sawi.
Bayern Munich president Herbert Hainer chuan Inrinni khan Lewandowski insawnna tur hi a sawi chiang a. “Kan zavai atan inremna a awm thei a, thil a chiang thei ta hi a tha. Barcelona nen thuphungin inremna kan nei. Robert hi player ropui a ni a, kan hnenah trophy chawi theih chu a chawi vek tawh. A lakah pawh kan lawm hle.” tiin a lo sawi tawh.
Kum 2014 a Borussia Dortmund atanga free transfer a Bayern Munich zawmtu Lewandowski hian an tan game 374 khelin goal 344 a khung a. Club chanchin a Gerd Muller tih lova goal khung hnem ber a ni.
Lewandowski hian Bayern a hun a hman chhung hian season tin league title a la chawi ziah a, kum 2019-20 khan UEFA Champions League a chawi bawk.
“Ka teammate, staff zawng zawng, club hotute leh kan fans zawng zawngte chungah lawmthu ka sawi a, trophy tam tak kan chawi theih chhanah an zavaiin an pawimawh em em vek.” tiin Lewan-dowski chuan social media a a club hlui a thlahnaah a sawi.