Aizawl: Mizoramah Covid-19 kai an pung leh mek a, July thla kal mekah a kai mi 1,483 hmuh chhuah a ni tawh a; hri kai enkawl lai pawh sang bi a kai leh ta bawk.
Hri leng thawh thumna kha March thla chawhnu lam atangin a ziaawm tan a, April 4, 2022 khan hri kai 175 hmuh a ni a, he mi hnuah hian ni khata hri kai hmuh chhuah pawh za bi hnuai lam a ni char char.
July 16, 2022 khan hri kai mi 175 hmuh a ni a, April 4 hnu, ni 103 chhunga hri kai hmuh chhuah leh tam ber ni a ni.
Inrinnia hri kai hmuhte hi Rapid Antigen Test atanga hmuh an ni a, Lunglei district-ah 75, Aizawl district-ah 68, Saitual district-ah 11, Siaha district-ah pakua, Khawzawl district-ah pasarih, Hnahthial district-ah pali leh Champhai district-ah pakhat te a ni.
April 13 khan hri kai enkawl lai 605 an awm a, hemi hnu hian enkawl lai pawh tlemin zabi hnuai lam a nih chang pawh a awm a, July 1 atangin a zabiin enkawl lai hi an pung a, tun hnaiah erawh hri kai enkawl lai hi a sang bi ni leh tawhin, nimin tlai dar 5 thleng khan enkawl lai .... an awm mek a ni.
Mizoramah Covid-19 kai mi 2,30,589 an awm tawh a, mi 2,28,691 an dam tawh a, mi 1,192-in an thih phah tawh a ni.