Mahindra Scorpio thar Scorpio-N chu Inrinni khan Mana Motors, Bawngkawn, Aizawlah Aizawl District Transport officer (DTO) H Lalhmingliana’n a tlangzarh a. Mana Motors chuan Scorpio N hi an hnenah mi 50-in lei tumin an hauh lawk niin an sawi.
Kum 2002 khan Mahindra chuan Scorpio a tichhuak a, India rama Sports utility vehicle (SUV) zinga hralh kal leh fak hlawh a ni. Mizorama Mahindra full range dealer an nih hnuah Mana Motors-in 2014 atangin 1171 an hralh tawh.
Scorpio-N hi petrol leh diesel engine awm ve vein, a man Rs. nuai 11.9 (ex-showroom price) atangin a intan a. Italian design company lar tak Pininfarina-in an duan niin, SUV C segment bikah tha chungchuang hle tura ngaih a nih bakah a chung lam D segment thlenga pawl pha hiala sawi, ‘Big Daddy of SUV’ an tih hial a ni.
Dealer Principal Dr Franklin Lalrinngheta’n Scorpio chu Mahindra-in lirthei a siam zinga an chhuanvawr leh langsar a nih thu sawiin, tuna mi chu a hma aiin a sei a, a zauin a hlai zawk a, a chhung pawh a changkang zawk niin a sawi bawk.
Aizawla Scorpio N tlangzarhtu Aizawl DTO H Lalhmingliana chuan “India siamah a aia lirthei ṭha ka la khalh lova, Rs nuai 30 chuang man neih a ngaiin ka hre lo. Tunah an rawn tuai thara, a man a tlawmin a chak si a, khawl tha leh changkang tam tak a keng tel a, company-in an hloh lo maw ka ti hial a ni,” a ti a. “India ramah (ama milpui atanga tehin) a tluk pha tur SUV-ah a awm lo niin ka hria” tiin, a lei phak tan lirthei tha ber pawl niin a sawi.
Mahindra dealer te pawh fakin, Aizawl DTO chuan “Mana Motors-in full range dealership an chan atangin Mahindra lirthei leh part lei a awlsam phaha, dealer tha leh rintlak an ni, Mizoram tan malsawmna an ni,” a ti bawk a ni.