Manchester City winger Riyad Mahrez chuan kum thum contract a ziah belh a, kum 2025 thleng Etihad Stadium-ah a cham dawn.
Algerian winger hian thla 12 chhung contract a la nei a, season thar zawhah free transfer a chhuak thei dinhmunah a ding. Nimahsela City in an player tawnhriat nei tam tawhte contract thar an pe nual hlawm a, heng zingah hian a tel.
City in Pound maktaduai 60 a Leicester City atanga an lak hnuah Mahrez hian an tan match 188 khelin goal 63 a khung a, assist 45 a nei.
Season an hnena a cham chhungin Premier League title vawi thum a chawi tawh a. Season liamta khan goal 24 khungin City top scorer a ni a, ani aia inkhel hnem pathum chiah an awm.
“Tun season li chhunga kan hlawhtlinnate a tha thawh ve theih hi a ropui a, hei hian hlawhtlin belh zel duh a tamna nasa tak min siamsak a ni.” Mahrez chuan a ti.