AIZAWL: Lengpuia Bio Control Laboratory bunna tura in sak mek chu Inrinni kalta khan Agriculture Minister C. Lalrinsanga’n a tlawh a. Bio control lab tichangtlung turin Indian Council of Agricultural Research (ICAR) hnuaia National Bureau of Agricultural Insect Resources (NBAIR) nen tangkawpa hmalak a nih tur thu a sawi.
Sorkar thuchhuahin a tarlan danin, Lengpuia Bio Control Laboratory hi Mizoram sorkar leh NABARD tangkawpin an din tur niin, Rs. vaibelchhe 2.73 ruahman a ni a. Buh leh bal leh thlai eichhe thei rannung leh hrik chi hrang hrang laka invenna leh a hrik thahna chi hrang hrang siam chhuahna tur a ni.
Hlo hrisello leh chemical ang chi hmang lova Bio technology sang zawka thlai eichhetu thahna siamchhuahna tur a nih thu sorkar thuchhuah chuan a tarlang a. Vaimim eichhetu Fall army worm pawh he laboratory atanga siam chhuah bio pesticide hmanga mihring tana him tak sia beih a nih tur thu a tarlang bawk a ni.